Newyddion

Mae Partneriaeth Pensiwn Cymru yn cyhoeddi'r diweddaraf yn ei chyfres o benodiadau i hwyluso gweithredu ei datrysiadau buddsoddi Marchnadoedd Preifat.

Bydd Partneriaeth Pensiwn Cymru yn sefydlu cynnig buddsoddi Eiddo Tirol wedi'i ddatblygu o amgylch tair colofn:

• Eiddo Tirol Craidd y DU, i gymryd buddsoddiadau presennol mewn cronfeydd ar y cyd a'u trosglwyddo, dros amser, i bortffolio buddsoddi mewn eiddo uniongyrchol penagored.
• Eiddo Tirol Rhyngwladol, i sefydlu cyfrwng buddsoddi penagored sy'n buddsoddi mewn cronfeydd ac asedau uniongyrchol, a hynny ar sail fyd-eang.
• Eiddo Tirol Lleol / Effaith i ddatblygu rhaglen fuddsoddi sy'n defnyddio buddsoddiadau mewn cronfeydd a buddsoddiadau mewn asedau uniongyrchol mewn strategaethau Effaith y DU, gydag o leiaf 50% o asedau wedi'u lleoli yng Nghymru.

Ar ôl cwblhau proses gaffael gyhoeddus drwyadl, gyda chefnogaeth bfinance a Hymans Robertson, mae Rheolwyr Buddsoddi Eiddo Tirol Preifat wedi cael eu penodi. Dyma'r rheolwyr a benodwyd

• Eiddo Tirol Craidd y DU – Schroders
• Eiddo Tirol Rhyngwladol – CBRE
• Eiddo Tirol Lleol / Effaith  – Schroders

Dywedodd y Cynghorydd Elwyn Williams, Cadeirydd y Cyd-bwyllgor Llywodraethu:

“Mae'r penodiadau hyn yn pennu'r mwyafrif o reolwyr buddsoddi marchnadoedd preifat ar gyfer Partneriaeth Pensiwn Cymru. Mae Eiddo Tirol yn ddosbarth o asedau craidd ar gyfer 8 o Awdurdodau Cyfansoddol Cymru a bydd y rheolwyr hyn yn darparu'r buddsoddiadau sydd eu hangen arnynt i fodloni eu dyraniadau asedau strategol lleol.” 

Mae Partneriaeth Pensiwn Cymru yn cynnwys y cronfeydd canlynol y Cynllun Pensiwn Llywodraeth Leol: Caerdydd a Bro Morgannwg, Dinas a Sir Abertawe, Clwyd, Dyfed, Gwent Fwyaf (Torfaen), Gwynedd, Powys a Rhondda Cynon Taf.