Newyddion

Mae'n bleser gennym gyhoeddi bod Partneriaeth Pensiwn Cymru (PPC) yn un o lofnodwyr Cod Stiwardiaeth y DU o hyd.

https://www.frc.org.uk/investors/uk-stewardship-code/uk-stewardship-code-signatories

Mae PPC yn ymdrechu i gynnal safonau uchel yn ei ymagwedd at fuddsoddi cyfrifol ac mae'n ystyried bod y Côd Stiwardiaeth yn adlewyrchu ei uchelgeisiau. Rydym yn falch iawn, felly, ein bod wedi cadw ein statws llofnodwr ar gyfer 2025.

Un o gryfderau PPC yw'r cydweithrediad rhwng cronfeydd partner sylfaenol y Gronfa, yr hoffem ddiolch iddynt am eu cyfraniad a'u cefnogaeth barhaus, wrth fwrw ymlaen â'n gwaith ar fuddsoddi cyfrifol a stiwardiaeth. Ymysg uchafbwyntiau ein gwaith roedd cwblhau sefydlu'r rhaglen marchnadoedd preifat gyda lansio ein cynnig eiddo tiriog.  Dangoswyd ein ffocws ar fuddsoddiad lleol gan ein partneriaeth â Pluto Finance trwy fuddsoddi yn eu rhaglen effaith leol, sy'n ariannu tai fforddiadwy. 

Roedd bwrw ymlaen ag argymhellion Adroddiad Hinsawdd Cymru Gyfan hefyd yn faes allweddol o ffocws a chydweithredu wrth i ni weithio i ddatblygu cronfa ecwiti goddefol newydd sy'n canolbwyntio ar yr hinsawdd. Roedd y cynnig hwn yn cynnwys ymgynghori â rhanddeiliaid lluosog i sicrhau bod y gronfa yn bodloni gofynion yr holl bartneriaid.  Cwblhawyd y prosiect hwn a lansiwyd y gronfa newydd ym mis Tachwedd 2025. 

Parhaodd stiwardiaeth i fod yn ffocws arbennig dros y flwyddyn ddiwethaf. Fe wnaethom weithio gyda Russell Investments a Robeco i roi egwyddorion uwchgyfeirio ar waith, gan sicrhau ein bod yn parhau i ddal ein partneriaid yn atebol am eu gweithgaredd. Gan adeiladu ar hyn, fe wnaethom hefyd ddechrau gweithio ar esblygu ein fframwaith buddsoddi i sefydlu safonau gofynnol y gallwn eu gweithredu ar draws ein portffolios. 

Ni fyddai gwaith stiwardiaeth PPC wedi bod yn bosibl heb ein partneriaethau allanol. Pleidleisiodd Robeco, ein Darparwr Pleidleisio ac Ymgysylltu, ar fwy na 16,000 o benderfyniadau ac roedd ganddo dros 900 o ymgysylltiadau â dros 230 o gwmnïau sy'n cwmpasu ystod o faterion amgylcheddol, cymdeithasol a llywodraethu. 

Wrth i ni edrych ymlaen at esblygiad trefniadau llywodraethu a lansiad Cwmni Rheoli Buddsoddi PPC, mae ein huchelgais i aros ar flaen y gad yn ein harferion buddsoddi cyfrifol yn parhau.